ჩვენ შესახებ

ჩვენ შესახებ

ონლაინ განათლების ცენტრი (Online Education - OnEd) დაფუძნდა თბილისში. ცენტრი არის ქართულენოვანი განათლების პორტალი სადაც მომხმარებლებს ვთავაზობთ ხარისხიან ონლაინ კურსებს პროფესიონალების ავტორობით. ცენტრის დამფუძნებლები არიან ილიას სახელმწიფო უნივერსიტეტის ლექტორები რეზო ბერაძე და ირაკლი გაბრიაძე.

ონლაინ განათლების ცენტრის მიზანია ხარისხიანი განათლება გახდეს ფართო მასებისთვის ხელმისაწვდომი. ამისათვის ვქმნით მაღალი ხარისხის ონლაინ კურსებს და მაქსიმალურად ვცდილობთ რომ ისინი იყოს ხელმისაწვდომი.

ონლაინ განათლების ცენტრის დაფუძნებას წინ უძღოდა მრავალწლიანი გამოცდილება როგორც საგანმანათლებლო სივრცეში, ასევე საქართველოს შრომის ბაზრის კვლევების მიმართულებით. კვლევების ფარგლებში გამოიკვეთა, რომ არსებობს დიდი შეუსაბამობა ბაზრის მოთხოვნებსა და საგანმანათლებლო სივრცეების მიერ მიწოდებულ ცოდნას შორის. ასევე პრობლემატური საკითხია განათლებაზე როგორც გეოგრაფიული ასევე მატერიალური ხელმისაწვდომობა.

ხარისხობრივი შეუსაბამობის აღმოფხვრის მიზნით ცენტრის დამფუძნებლებმა შექმნეს კურსები ილიას სახელმწიფო უნივერსიტეტის ბიზნესის ფაკულტეტის ბაკალავრებისთვისა და ტრენინგ კურსები დაინტერესებული აუდიტორიისთვის. მათ შორის, განსაკუთრებული მოთხოვნა გამოიკვეთა საოფისე პროგრამების, განსაკუთრებით კი ექსელის მიმართულებით. ამ მიმართულებით ცენტრის დამფუძნებლებმა დამატებით შექმნეს პირველი ქართულენოვანი სახელმძღვანელო რომელიც აქტიურად გამოიყენება უნივერსიტეტში.

გეოგრაფიული და ეკონომიკური ხელმისაწვდომობის აღმოფხვრისათვის კი შეიქმნა ონლაინ განათლების ცენტრი და პორტალი სადაც ნებისმიერ დაინტერესებულ პირს შეუძლია ერთ სივრცეში, ხელმისაწვდომ ფასად შეიძინოს და გაიაროს მაღალი ხარისხის ონლაინ კურსი სხვადასხვა მიმართულებით.

დღეისთვის, ჩვენი ცენტრი გთავაზობთ ექსელის და საოფისე პროგრამების ყველაზე სრულ კურსებსა და შესაბამის საკითხავ მასალებს ქართულ ენაზე რეზო ბერაძისა და ირაკლი გაბრიაძის თანაავტორობით. ამასთან, აქტიურად ვმუშაობთ ახალი კურსების შექმნაზე, რომელთაც ეტაპობრივად შემოგთავაზებთ.

სიახლეებისთვის ონლაინ რეჟიმში მისაღებად დაგვიმეგობრდით Facebook გვერდზე:

https://www.facebook.com/Excel2016Training

და გამოიწერეთ ჩვენი იუთუბ არხი:

https://www.youtube.com/channel/UCCri3F4tlIyXaWe29haE5aw



ჩვენი გუნდი